Leikskólinn Lundarsel Akureyri

Ársskýrsla Lundarsels 2010-2011 er komin inn á heimasíðuna undir Lundarsel - skýrslur

Dagur leikskólans 6. febrúar 2012. Opið hús verður í Lundarseli í tilefni af Degi leikskólans sem er mánudaginn 6. febrúar. Milli klukkan 9.00-11.00 og 13.00-15.00. Allir innilega velkomnir. Dagskrá er eftirfarandi:

Afmæliskort til Akureyrarbæjar verða til sýnis. Akureyrarbæ er 150 ára á árinu og í tilefni þess ætla börnin í Lundarseli að gera afmæliskort. Afmæliskortin verða til sýnis þennan dag á deildum barnanna en börnin munu svo færa Amtbókasafninu kortin síðar. Einnig verða fleiri myndlistarverk eftir börnin til sýnis. Á degi leikskólans ætlar Félag leikskólakennara að gefa öllum sveitarfélögum landsins plakat með gullkornum frá leikskóla börnum. Það plakat verður líka til sýnis hjá okkur í salnum þennan dag.

Myndband Kríudeildar rúllar í salnum. Myndbandið sem ber titilinn umhyggja og virðing, var tilnefnt sem eitt af fimm myndböndum í stuttmyndakeppni leikskólanna, sem haldin var í tilefni af Degi leikskólans 2011 á vegum FL og FSL. Í dómi um myndina segir: Myndin fjallar um hughrif og hreinar tilfinningar, sem komast algjörlega til skila. Mikil virðing fyrir viðfangsefninu. Myndina mætti að ósekju sýna foreldrum allra leikskólabarna. Hér eru börnin góð fyrirmynd fullorðna.

Heitt verður á könnunni. Kaffi, te og djús verður í boði í salnum.

Til foreldra í leikskólum á Akureyri Á hverju ári berast skóladeild umsóknir þar sem foreldrar óska eftir að flytja börn sín milli leikskóla innan bæjarins. Að því tilefni vill skóladeild benda á eftirfarandi. Aðalinnritun í leikskóla fer fram í apríl / maí ár hvert. Því er mikilvægt að allar beiðnir um flutning hafi borist skóladeild Akureyrar fyrir 30. mars ár hvert. Ef umsóknir berast eftir þann tíma er ekki hægt að tryggja að flutningur geti átt sér stað fyrir væntanlegt skólaár.

Sumarlokun í Lundarseli er frá 9. júlí - 3. ágúst 2012. Fyrsti dagur eftir sumarleyfi er þriðjudagur 7. ágúst. Skólanefnd samþykkir að sumarlokun leikskóla 2012 verði í tveimur tímabilum. Fyrra tímabilið verður frá 25. júní til 20. júlí og seinna tímabilið verður frá 9. júlí til 3. ágúst. Skólanefnd samþykkir að þetta fyrirkomulag verði sett upp til þriggja ára þar sem leikskólum er raðað niður á tímabilin. Þessi niðurstaða skólanefndar tekur mið af umsögnum sem bárust frá starfsmönnum leikskóla og foreldraráðum auk þess sem horft var til niðurstaðna foreldrakönnunar frá vori 2011.

Starfsfólk Lundarsels óskar ykkur gleðilegrar hátíðar.

Með kærum þökkum fyrir góð og gleðirík samskipti á árinu.

Sjáumst hress og kát, annað hvort milli hátíða eða á nýju ári.

* Milli hátíða verða öll Lundarsels börn saman inná Kríudeild að leika.

* Minnum á að það er lokað frá klukkan 12.15 mánudaginn 2. janúar vegna starfsmannafundar.

Jólaföndur verður fyrir foreldra og börn fimmtudaginn 1. desember klukkan 9.00-10.30. Foreldrar eru boðnir velkomnir í leikskólann til að föndra með börnunum sínum. Fyrirkomulagið er að allir fari á milli deilda til að föndra (eitt verkefni á hverjum stað). Í salnum verður boðið upp á kaffi/djús og jólasmákökur.

Í boði er:

Bangsadeild: Jólasveinn úr köngli

Kríudeild: Mála piparkökur

Kisudeild: Jólabjöllur

Foreldrafélagið stendur að mestu leiti straum af kostnaði við jólaföndrið, auk þess sem það býður okkur jólasmákökurnar.

Með jólakveðju og von um að sjá sem flesta,Starfsmenn og stjórn foreldrafélagsins

Starfsmenn frá Lundarseli sjá um heimspekikaffihús:) Sunnudaginn 6. nóvember klukkan 11.00 fjalla Aðalbjörg Steinarsdóttir (Allý) og Helga María Þórarinsdóttir um: Barnaheimspeki - heimspekilegar vangaveltur með leikskólabörnum. Nánar um heimspekikaffihús má lesa á linknum hér fyrir neðan:

http://skoladeild.akureyri.is/static/files/2011_16%20.tbl.%203.%20november_skolaakur%202.pdf

Kæru foreldrar minnum á lokun mánudaginn 7. nóvember frá 12.15 vegna starfsmannafundar.

Samsýning í Lundarskóla

Elstu börnin okkar, elstu börn Pálmholts og Flúða svo og yngstu börn Lundarskóla stóðu fyrir samsýningu í dag :) Þau hafa öll verið að vinna með ævintýrið um hana Búkollu í tengslum við þróunarverkefnið Leikum og lærum. Börnin sungu, fluttu leikrit, sýndu verkefnavinnu og heimspekiskráningar. sjá myndir

Fyrsta foreldrakaffi vetrarins verður föstudaginn 14. október kl. 8.00-10.00. Við vonum að foreldrar og börn eigi notalega stund saman í leikskólanum, fái sér ristað brauð og spjalli við önnur börn, foreldra og starfsmenn..

Aðalfundur foreldrafélagsins

er þriðjudaginn 27. september klukkan 17.00

Dagskrá:

venjuleg aðalfundarstörf
reikningar lagðir fram
gengið frá kosningu í foreldrar. og foreldraf. fólk búið að gefa kost á sér
formaður foreldraráðs segir frá starfi foreldraráðs
leikskólastjóri stiklar á stóru í sambandið við starfið í Lundarseli

önnur mál; foreldrum gefst tækifæri til að ræða mál sem þeim er efst í huga

Innlagnaráætlun SMT er komin inn á SMT síðuna. Þar getið þið séð hvaða reglur barnið ykkar er að æfa hverju sinni.

Lokað í Lundarseli föstudaginn 30. september vegna skipulagsdags - allan daginn

Kynning á vetrarstarfi Lundarsels verður:

20. september á Kisudeild kl. 10:30 til 11:15

21. september á Bangsdeild kl. 10:30 til 11:15

22. september á Kríudeild kl. 10:30 til 11:15

Þá gefst ykkur tækifæri til að spyrja út í starfið og koma með skemmtilegar uppástungur.

- Hlökkum til að sjá ykkur á deildarkynningunum-

Brynja, nýr framkvæmdastjóri sinfóníuhljómsveitar Norðurlands og Lára Sóley fiðlukennari komu í heimsókn og lásu fyrir okkur um Maxímús músíkús og spiluðu á fiðluna myndir hér

Fimmtudaginn 1. sept fengum við 30 danska, norska, sænska og finnska leikskólakennara í heimsókn. Þetta voru gestir af samnorrænni leikskólaráðstefnu sem var í Hofi 1-3 sept. Þessir gestir komu til að skoða Lundarsel og fræðast um heimspeki, jafnrétti og SMT.

Lokað í Lundarseli föstudaginn 26. ágúst vegna starfsmannafundar frá 12.15

Þátttökuaðlögun í Lundarseli 16 börn byrjuðu í leikskólanum 8. ágúst, 8 börn á Kríudeild og 8 börn á Bangsadeild. Aðlögun tókst mjög vel að þessu sinni en foreldrar voru með börnunum í tvo og hálfan dag, allan tímann. Þannig aðlöguðust börnin umhverfinu í öruggu skjóli foreldrana. Það kom svo þægilega á óvart hvað börnin voru tilbúin að kveðja foreldrana á fjórða degi, en aðeins eitt barn á yngri deildinni lét aðeins heyra í sér, þegar foreldrið kvaddi. Við erum bjartsýn um að áfram gangi vel og vonum að það gangi jafn vel með næstu aðlaganir.

Leikskólinn Lundarsel óskar eftir aðstoðarmatráði í 100% stöðu, . Starfið er að minnsta kosti til áramóta. Æskilegt er að viðkomandi geti hafið störf sem fyrst. sjá nánar

Leikskólinn Lundarsel óskar eftir starfsmanni sem fyrst í um 40% stöðu, vinnutíminn er seinnipart dags. Starfið felst í umönnun og uppeldi barna og er æskilegt að viðkomandi geti hafið störf sem fyrst. sjá nánar

Kæru börn og foreldrar - Velkomin í leikskólann eftir sumarfrí :) Vonandi var sumarfríið ykkar sólríkt og gleðilegt. Næstu daga tökum við því rólega, það eru enn fá börn í skólanum en starfið fer svo aftur á fullt í ágúst :)

Lokað í Lundarseli vegna sumarleyfa frá 20. júní til 15. júlí. Leikskólinn opnar aftur mánudagurinn 18. júlí.

Foreldrar athugið - vegna þess hve veðurspáin fyrir föstudag er leiðinleg höfum við ákveðið að fresta VORHÁTÍÐINN. Hún verður miðvikudaginn 1. júní kl. 14:15-30

Lokað verður vegna starfsmannafundar föstudaginn 6. maí frá klukkan 12.15.

Lokað verður vegna námskeiðsdags þriðjudaginn 26. apríl. Starfsmenn munu fá námskeið í andlegri skyndihjálp fyrir hádegið og eftir hádegið verður námskeið um skapandi myndlistastarf í leikskólastarfi.

Skemmtilegu foreldrakaffi lokið hjá okkur í dag - Takk fyrir komuna kæru foreldrar, mikið var gaman að fá ykkur í heimsókn :)

Myndir frá öskudeginum komnar inn hér og hér og hér :) Frábær dagur, frábær börn :)

Minnum á að lokað verður í Lundarseli mánudaginn 28. febrúar frá klukkan 12.15

Minnum á ömmu og afakaffi hjá okkur föstudaginn 18. febrúar milli klukkan 8:30 til 10:00 - velkomin :)

Verðlauna afhending vegna stuttmyndakeppni leikskólanna - sjá myndir hér.

Foreldrum sem óska eftir leikskólavist fyrir börn sín á komandi skólaári er bent á að umsóknir um leikskóla þurfa að berast skóladeild fyrir 31. mars n.k. Hægt er að sækja um í rafrænu formi á heimasíðu skóladeildar

Fyrstu innritunarbréfin verða send út í aprílmánuði og gert er ráð fyrir að aðlögun barna geti í einhverjum tilvikum hafist í maí mánuði. Stefnt er að því að allri aðlögun verði lokið í september. Tímasetning aðlögunar tekur mið af því hvenær 6 ára börn leikskólans hætta vegna grunnskólagöngu. Undanfarin ár hefur þróunin verið sú að mikill meirihluti 6 ára barna dvelur í leikskólanum fram að sumarlokun eða fram að grunnskólabyrjun.

Stuttmynd Kríudeildar í Lundarseli tilnefnd Það er með mikilli gleði og stolti sem við segjum frá því að stuttmynd Kríudeildar, sem ber titilinn umhyggja og virðing, hefur verið tilnefnd til verðlauna í stuttmyndakeppni leikskólanna, sem haldin er í tilefni af Degi leikskólans 2011 á vegum FL og FSL. Það bárust 54 stuttmyndir í keppnina og er mynd Kríudeildar meðal þeirra fimm sem tilnefndar eru.

Leikskólastjóra og höfund myndbandsins, Svölu Björnsdóttur er boðið að vera viðstödd verðlauna afhendinguna sem verður í Reykjavík á föstudaginn 4. febrúar klukkan 13.00. Hér er myndbandið okkar.

Samsýning leikskóla Akureyrar og nágrennis verður á Amtsbókasafninu á Akureyri Þar verður hægt að skoða sýnishorn af fjölbreyttu og áhugaverðu kennsluefni leikskólanna. Sýningin mun standa allan febrúarmánuð.

LUNDARSEL sýnir auk þess álfa- og trölla listaverk barna í Hofi 6.-8. febrúar.

Heima í Lundarseli verður haldið upp á daginn föstudaginn 4. febrúar með því að allir safnast saman í sal. Stuttmynd Kríudeildar, verður frumsýnd en myndbandið tekur þátt í stuttmyndakeppni sem er á landsvísu og börnunum verður sagt frá Degi leikskólans.

Föstudagur 7. janúar Kæru foreldar/forráðamenn. Starfsmenn í Lundarseli vilja ítreka skilaboð frá fræðsluyfirvöldum bæjarins um að vegna veðurs og ófærðar eru foreldrar leikskóla og grunnskólabarna hvattir til að senda börn sín ekki í skólann í dag. Gríðarleg ófærð er í bænum og eingöngu stórir jeppar komast um.

Ný gjaldskrá leikskóla Akureyrarbæjar tók gildi 1. janúar 2011, dvalartími hækkar um 10% og fæðið um 5%. Ef báðir foreldrar eru atvinnulausir greiða þeir lægra gjaldið en þurfa að koma með staðfestingu frá vinnumálastofnun um að þeir séu atvinnulausir. Gjaldskráin er komin inn hér til vinstri, undir Lundarsel - gjaldskrá